Afraid to Die? - මැරෙන්න බයද?

Warning!!! This Blog is for mature adults though it does not contain any pornography, violence or hate. The contents can be misleading and/or incomprehensible for those who have not grown up...yet.

අතිශයින්ම වැඩිහිටියන්ට පමණයි
(පොඩි ළමයින්ටත් කමක් නෑ. ඒ උනාට තේරෙන එකක් නෑ. ඒ හින්ද නොකියවනවානම් තමා වැඩිය හොඳ)

 3rd June 2014

Afraid to Die? - මැරෙන්න බයද?

නෑ කියලද කිවුවේ? එහෙනම් කමක් නෑ. මේක නොකියෙව්වත් කමක් නෑ.

මැරෙන්න බය නම් අනිවාර්යයෙන්ම මේක කියවන්න.

1. බය වුනත් නොවුනත් ඔබ මැරෙනවා. ඔබ පමණක් නෙමෙයි. මමත් මැරෙනවා.

2. දරුවෙක් සම්බන්දයෙන් කුඩා කාලයේදී, "මේ ළමයා කවදාහරි ලොකු පෝසතෙක් වෙනවා" කියලා අනාවැකියක් කිවුවොත් ඒක හරි යන්නත් ඉඩ තියෙනවා. වරදින්නත් ඉඩ තියෙනවා. අනික් අනාවැකිත් ඒ වගේ තමා. නමුත් මට පුළුවන් හරියටම හරි යන එක  අනාවැකියක් කියන්න. "මේ ළමයා නොවැරදීම මැරෙනවා" හරිද?

3. ඕන කෙනෙකුට කියන්න, කවදාවත් බොරු නොවෙන අනාවැකියක්. අත් දුටුවයි.. සත්තයි. එක සැරයක් නොවෙයි. අනන්ත වතාවක් හරි ගිය, එක වතාවක්වත් නොවැරදුන කතාවක් මේක. ඒ කියන්නේ මෙම ප්‍රකාශයේ සම්භාවිතාවය හරියටම එකයි. ආසන්න වසයෙන් නොවෙයි. හරියටම එකයි.

4. සැකයක් හිතන්න එපා. හරි ගිය අවස්ථාවල් කීපයක් නිකම් කියන්නම්. ජීවත් වෙන කාලේදී තමන් මැරෙන්නේ නෑ කියලා හිතාගෙන, ලක්ෂ දසලක්ෂ ගණන් වෙන  මිනිස්සුන්ව මරාපු, ඇලෙක්සැන්ඩර්, නැපෝලියන්, ගෙන්ජිෂ් ඛාන්, හිට්ලර්, බිලුපගිරන්, පොල්පොට්  වගේ මහා බලගතු පාලකයෝත් මලා.

5. මිලියන ගණන් මිනිස් "ජීවිත බේර ගන්න" ශ්‍රේෂ්ට සොයා ගැනීම් කරපු ෆ්ලෙමින්, ලුවී පාස්චර් වගේ විද්‍යාඥ වරු ඔක්කොම මලා. ඒ ගොල්ල හොයා ගත්ත බේත්, එන්නත් වලින් ජීවිත බේරා ගත්ත අය ඔක්කොමත් පස්සේ මලා.

6. මිනිස්සුන්ට සදාකාලික ජීවනය ලබා දෙන්ඩ පොරොන්දු වුන ආගමික නායකයෝ, පුජකවරු, ඒ අයත් මලා.

7. මේක මිනිස්සුන්ට විතරක් නොවෙයි,   සියලුම සතුන්ට සාධාරණයි. නිකම් හිතන්න. සත්තු කොපමණක් මරෙනවාද දවසකට.

8. ලෝකය බිහිවුන දවසේ සිට උපන් අය හැමෝම මලා. මේ ලඟදී උපන් අපි ටික දෙනෙක් ඉතුරුයි. අපිත් ඉතින් තව ටික දවසකින් මැරෙනවා. ෂුවර්.

හැමෝම මැරෙනවානම් අපිත් මැරෙනවා. උපන් හැමෝම මැරෙනවා. එහෙනම් බය උනත් එකයි. නැතත් එකයි. මැරෙනවා මැරෙනවාමයි. ඒ නිසා බය වෙන්න කිසිම දෙයක් නෑ, මරණයේ.

Wesak Over! Now let us practise Buddhism

Wesak Over! Now let us practice Buddhism - 1

Vesak Over! වෙසක් ඉවරයි! දැන් පිළිපදිමු

Warning!!! This Blog is for mature adults though it does not contain any pornography, violence or hate. The contents can be misleading and/or incomprehensible for those who have not grown up...yet.

අතිශයින්ම වැඩිහිටියන්ට පමණයි 
 
(පොඩි ළමයින්ටත් කමක් නෑ. ඒ උනාට තේරෙන එකක් නෑ. ඒ හින්ද නොකියවනවානම් තමා වැඩිය හොඳ) 

දවසක පත්තර ටික කියවලා, බන චැනල් එකකින් බන ටිකකුත් අහල රෑ වෙන කොට නිවුස් බලපුවම පිස්සු ඩබල්. කාට කියන්නද? ඉස්සර නම් අහන්න අය තොග පිටින්. එක එක්කෙනා හිමින් හිමින් මාරු වෙන කොට අලුත් අය හොයා ගන්න වෙලා. මෙව්වා තමයි Pissu Double Take it or leave it.

18th may 2014

Vesak Over! වෙසක් ඉවරයි! දැන් පිළිපදිමු - 1

වෙසක් දිනය.

 වෙසක් දිනය ලංකාවට හෝ බෞද්ධයන්ට විතරක් සීමා උන, අයිති උන දිනයක් නොවෙයි. මිනිසුන්ට පමණකුත් නොවෙයි. දෙවියන්ටත් බ්‍රහ්මයින්ටත් වෙසක් උතුම් .

බුදු වරයෙක් ලොවට පහල වෙන එක ඉතා දුර්ලභ දෙයක්. සමහර වෙලාවට කල්ප ගණනකට එක බුදු වරයෙක් වත් උපදින්නේ නැතිලු (ශුන්‍ය කල්ප). කල්ප ගණන් ගැන පස්සේ දවසක කතා කරමු.
සමහරුනම් බුද්ධාගමේ අයිතිකාරයෝ ගැන හොයනවා. සමහර ත්‍රී වීල් වල, ලොරි වල, බස් වල පස්සා පැත්තේ "මේ බුදුන්ගේ දේශයයි" කියලා ලියා තිබෙනවා මා දැකලා තියෙනවා. මොන බොරුද? තමන්ට අයිති වෙන්න තිබුන කපිලවස්තුව හා ශාක්‍ය දේශයත් (දැන් නේපාලය) ඇත ඇරලා ගිහි ගෙයින් නික්මුණු සිදුහත් කුමාරයා ඊට පස්සේ රටවල් දිහා ඇහැක් ඇරලා බැලුවේ නෑ, බුදු වෙලා අනන්ත ප්‍රමාණයක් දෙවි මිනිසුන්ට නිවන් මග පෙන්නුවා මිසක්.

වෙසක් වලට ලිවුව පෝස්ට් තුනක්ම මකලා දැම්මා. අඩුපාඩු ගැනම ලියපුවාම නිකම් උඩ බලන් කෙල ගහනවා වගේ මට හිතුනා.

වෙනම tone එකකින් ඒවම ලියමු ඉතින්.

සංසාරය වගේම දිග පළල මාතෘකාවක් ගැන කතා කරන කොට පුංචි කොනක් අල්ලාගෙන ටිකක් ලියන එක හොඳයිනේ.

මම කියන්න හදන්නේ වෙසක් දවස් වලට කරන වැඩ ගැන. වෙසක් ක්‍රියාකාරකම්. පුළුල් ලෙස බලනකොට හුඟක් වෙසක් වැඩ පිළිවෙලවල් ආගමික කටයුත්තකට වඩා සංස්කෘතික කටයුත්තක්. ඒකයි මම හෙඩිමට දැම්මේ "වෙසක් ඉවරයි දැන් පිළිපදිමු කියලා".

වෙසක් ඉවරයි කිවුවේ වෙසක් තොරන්, කූඩු, බැති ගී, වෙසක් නාට්‍ය, වෙසක් සංගීත, ඔලුබක්කෝ ආදියට තමයි. පිළිපදිමු කිවුවේ දාන, ශීල, භාවනා වලට. ආමිෂ පූජා මීට අමතරයි.

දානය

සාංඝීක දාන, භික්ෂු, භික්ෂුනීන් හට දෙනුලබන දාන, සිල්වතුන්ට දෙනුලබන දාන, මෙන්ම දන්සැල්, දුප්පතුන්ට, රෝගීන්ට, සතුන් හට දෙනු ලබන ආහාර හා අනෙකුත් පාරිභෝඝික ද්‍රව්‍ය ලබා දීම දානයට ඇතුලත් වෙයි.

දම් දෙසීම හා ධර්මදේශනා ඇසීමට සැලැස්වීම මේ සියල්ලටම වඩා උතුම් ධර්ම දාන නම් දානමය පිංකමය.

දන් දීම බෞද්ධයන් විසින් පමණක් කරනු ලබන පින් කමක් නොවේ.  හින්දු, කතෝලික, මුස්ලිම් හා වෙනත් ආගම් වලට අයත් බැතිමත්හුද විදෙස් රටවල ඉන්නා බුද්ධාගම ගැන කිසිවක් නොදන්නා බොහෝ අයද දන් දෙති. ස්වභාව ධර්මයට අනුව එවන් අයටද එම දානමය පින් වලට සුදුසු පලවිපාක බෞද්ධයන්ගේ දාන පිංකම් වලට ලැබෙන ආකාරයටම ලැබෙනු ඇත. (දෙව් මිනිස් සැප)

බෞද්ධ දානය අනික් දාන වලින් වෙනස් වෙන්නෙ කොහොමද? අනික් ආගම් වල නැති බුද්ධාගමේ තියෙන දේ නිවන නේ.  නිවන අරමුණු කරගෙන දෙන දානය අනික් ආගම් වල නෑ. ඒත් සමහර විට අන්‍යාගමිකයෙකුට වුනත්, තමාගේ සිතේ ඒ වෙලාවට ඇති වෙන සිතිවිල්ල අනුව දානයේ පලවිපාක නිවන් මගට උපකාරයක් වෙන්නත් පුළුවන්.

නිවන් අරමුණු කරගෙන දෙන දානය කෙලෙස් අඩුකර ගැනීමටත් කෙලෙස් නැති කරගැනීමටත් යෙදිය යුතුයි. සාංඝීක දාන, භික්ෂු, භික්ෂුනීන් හට දෙනුලබන දාන, සිල්වතුන්ට දෙනුලබන දාන හා ධර්ම දාන වලින් තෙරුවන් කෙරෙහි ශ්‍රද්ධාව ඇති කර ගැනීමට හැකි බැවින් ඒවා බෞද්ධ දානයන් කර ගැනීමට පුළුවන.

බුදු රජාණන් වහන්සේ විසින් සංසාර දුකින් මිදෙන ආකාරය වන ආර්ය අෂ්ටාංගික මාර්ගය සොයාගෙන ලෝක සත්වයා හට එම මාර්ගය පෙන්වා දුන් බවත්, ධර්මයෙහි අඩංගු වන්නේ එම නිවන් මග බවත් සංඝයා වහන්සේලා එම මාර්ගය අපට වටහා දෙන බවත් පැහැදිලිව අවබෝධ කර ගැනීමටත් එසේ අවබෝධවනතුරුම ඒ ගැන සැක නොකර ධනාත්මක ලෙස විමසා  අවබෝධ කර ගැනීමටත් ශ්‍රද්ධාව උපකාර වේ. මෙසේ සාංඝීක දාන, භික්ෂු, භික්ෂුනීන් හට දෙනුලබන දාන, සිල්වතුන්ට දෙනුලබන දාන හා ධර්ම දාන වලින් තෙරුවන් කෙරෙහි ශ්‍රද්ධාව ඇති කර ගැනීමට හැකි බැවින්ද නිවන් මගට යොමු වන බැවින්ද ඒවා බෞද්ධ දානයන් කර ගැනීමට පුළුවන.

දානයක් දීමේදී දාන වස්තුව කෙරෙහි ඇති ආශාව අත්හැරීමෙන්  අලෝභ චේතනා පහල වේ. ලෝභය  හීන වේ. එම වස්තුව කෙරෙහි ඇති ලෝභය නැති කර ගැනීමට හැකිය. ලෝභය නැවත ඇති නොවන ලෙස තම සිත තුලින් නැති කිරීම නිවනයි. එනිසා දාන වස්තුව කෙරෙහි ලෝභය, ආශාව සම්පුර්ණයෙන්ම නැති කරමින් යමක්  දීම නිවන් මගට එක පියවරක් වන අතර එය උතුම්ම බෞද්ධ දානයක් වෙයි. මෙහිදී දානවස්තුවෙහි වටිනාකම හෝ දානය ලබන්නාගේ තත්වය අදාළ නොවේ. යම් හෙයකින් අදාළ වනුයේ නම් ඒ අලෝභ චේතනාව ඇතිකර ගැනීමට එය බලපානවානම් පමණෙකි.

දුප්පතෙකුට, අසරනයෙකුට, ගිලන් අයෙකුට යමක් දීමේදී කරුණාව හා මෛත්‍රීය ඇති වන බැවින් ඒවා අදෝස නම් පුණ්‍ය චේතනාය. ද්වේශයට අදාල කෙලෙස් නැති වන බැවින් මෙවැනි දාන වලින්ද නිවන් අරමුණු කර ගැනීමට හැකිවෙයි.

පල විපාක ගැන දැනගෙන කිසිවෙකුගේ බල කිරීමකින් තොරව යමෙක් දානයක් දෙන විට ජනිත වන කුසල චිත්තයන් ත්‍රිහේතුක කාමාවචර කුසලයෝ වෙති. නිවනට අරමුණු වීමට අමතරව මිනිස් ලොව හා දෙව් ලොව ඉපදීමටත්, බොහෝ භෞතික සැප සම්පත් ලැබීමටත් මෙම කුසලයෝ හේතු වෙති.

දානය දැනුවත්ව කරන්න

මෙවැනි බෞද්ධ දානයක් දීමෙන් ලබාගත හැකි අපරිමිත ආනිසංශ නැති කරගෙන සසර දික් කර ගෙන දන් දෙන අයත් එමටයි. ඒ මදිවාට සමහරු දන් දීලා පවුත් රැස් කර ගන්නවා.

ඒ මෙහෙමයි. දානයේ ආනිසංශ ලෙස මතු ලැබෙන දෙව් මිනිස් සැප සම්පත් පමණක් ඉලක්ක කරගෙන ඒවා ප්‍රාර්ථනා  කරගෙන දන් දීමෙන් කෙලෙස් වැඩෙන අතර සසර දික් වෙනවා. සසර දුක තමා ලැබෙන පලය. දානයේ ප්‍රමාණය හා සිතෙහි ඇති වෙන කෑදර චේතනාවේ තියුනු බව උඩ සංසාර දුක තව වැඩියි.

එමෙන්ම අනෙකෙක්  පැරදවීමට දන් දීම ද්වේශකාරී හැඟීම් ඇති කරනවා. මේවාත් දරුණු පලවිපාක දෙන දෝසමුල අකුසලයෝ. තරඟයට දන් දෙන්න යන්න එපා.

වෙන අයත් උදවු කරගෙන, දායක කරගෙන දන් දෙන එකත් හුඟක් පින් සිදු වෙන වැඩක්. ඒත් එම දානයෙන් ලාභයක්, නම්බුවක්, කීර්තියක් බලාපොරොත්තු වෙනවානම් දානය මෙන්ම තමන්ගේ පිනත් කැත වෙන බව මතකයේ තියා ගන්න ඕනෑ.

සමහරු දානයක් දී එයින් පසුව එය ලැබූ තැනැත්තා  දාන වස්තුවට කරන දේ ගැන සොයා බලන්නට පෙළඹෙති. මෙයද  දානයෙන්ලැබෙන පින කැත වෙන තවත් ක්‍රමයකි.

ආශාව (ලෝභය) අත හැර අලෝභ සිතින් සුළු දෙයක් හෝ දෙන එක නිතිපතා පුරුද්දක් ලෙස  කරන්න වෙසක් සමයේ හිතට ගත්තොත්, අන්න වෙසක් එකේදී නිවන් මගේ  තවත් පියවරක් තිබ්බ වෙනවා. කරුණා, මෛත්‍රීය යෙදෙන විට එයත් මෙනෙහි කරගෙනම දෙන එකෙන් පින් වැඩි වෙයි.

ලබන වෙසක් එකට දෙන දානය, දන්සැල මේ කිවුව විදියට කලොත් නිවනත් ලඟයි. දෙව් මිනිස් සැපත් ප්‍රාර්ථනා නොකලත් ලැබෙනවාමයි.

Epilogue to Slipper Story...

Epilogue to Slipper Story...සෙරප්පු කතාවේ ඉතුරු කොටස 

Warning!!! This Blog is for mature adults though it does not contain any pornography, violence or hate. The contents can be misleading and/or incomprehensible for those who have not grown up...yet.

අතිශයින්ම වැඩිහිටියන්ට පමණයි 
 
(පොඩි ළමයින්ටත් කමක් නෑ. ඒ උනාට තේරෙන එකක් නෑ. ඒ හින්ද නොකියවනවානම් තමා වැඩිය හොඳ)
දවසක පත්තර ටික කියවලා, බන චැනල් එකකින් බන ටිකකුත් අහල රෑ වෙන කොට නිවුස් බලපුවම පිස්සු ඩබල්. කාට කියන්නද? ඉස්සර නම් අහන්න අය තොග පිටින්. එක එක්කෙනා හිමින් හිමින් මාරු වෙන කොට අලුත් අය හොයා ගන්න වෙලා. මෙව්වා තමයි Pissu Double Take it or leave it.

17th may 2014

Epilogue to Slipper Story...    සෙරප්පු කතාවේ ඉතුරු කොටස 

සෙරප්පු කතාවේ ඉතුරු කොටස

සෙරෙප්පු මාලයේ කතාව පත්තරෙන් දැකලා ඒකට මම විහිළු කෑල්ලක් ලිවුවා කලින්.

http://pissudoublelanka.blogspot.com/2014/05/warning-this-blog-is-strictly-for_3.html

ඒක ලිව්වේ එක වාර්තාවක් දැකලා. පස්සේ මේ කතාවට ලොකු අවධානයක් යොමු වුනා. ගොඩක් විස්තර හුඟක් පුවත්පත් වල පළවුනා. ඒ විතරක් නෙමෙයි. හුඟක් අදහස් පළකිරීම් එහෙමත් තිබුනා. එක පත්තරේකින් ඇත්ත කතාව හොයන්න ඒ ප්‍රදේශයට ගිහින් තවත් දැනුවත් කිරීමක් කරලා තිබුනා. මම මේ විස්තර වලින් මට හම්බ වුන හැම එකක්ම කියෙවුවා.

 මුල ඉඳලා අගට කියවන කොට මේක හද කකියවන කතාවක්. විහිළු කරන කතාවක් නොවෙයි. ඒ නිසාම මේක ගැන විස්තරයක් ලියන්න හිතුවා (As an apology).

ඉස්සෙල්ල පසුබිම විස්තර කරමු.

පාසල

මේ ඉස්කෝලේ තියෙන්නේ ත්‍රිකුණාමලයේ දිස්ත්‍රික්කයේ සේරුනුවර පැත්තේ. කාවන්තිස්සපුරයේ

ළමයි 35 යි ගුරුවරු 6 යි.

ගුරුතුමිය

මේ ප්‍රදේශයේම ඉපදී හැදී වැඩී දුෂ්කර ජීවිතයට මුහුණ දෙමින් පාසල් ගොස්, කැලණිය විශ්ව විද්‍යාලයට ඇතුලත් ව උපාධියක් ලබාගෙන තමා  උපන් පෙදෙසට සේවය කිරීමට කැපවුන තරුණ ගුරුතුමියක්. (දිරිය තරුනියක්)

සිසු දැරිය

5 ශ්‍රේණියේ ඉගෙනුම ලබයි. පියා කලකට පෙර මියගොස් (සියදිවි නසාගෙන). සහෝදරයන් 2යි. සහෝදරියයි. ලොකු අයියා කොළඹ ප්‍රදේශයේ සුළු රැකියාවක. අනෙක් අයිය AL  කරනවා. අක්ක OL කරනවා. අම්මා සේරුවිල පන්සල ළඟ තල්  හකුරු විකුණා උපයන මුදල එකම ආදායම් මාර්ගය.

ටකරන් හා ඉටිකොළ වලින් සැදුනු අඩි 10 ක නිවසේ මේ හතර දෙනා ජීවත් වෙන්නේ.

මේ අයගේ ගම සුමේධංකරපුර. ගුරුතුමියත් මේ ගමෙමයි. පාසලට කිලෝ මීටර් 6ක් පයින් යන්න තියෙනවා. සමහරදාට ගුරුතුමිය ඇගේ බයික් එකෙත් අරන් යනවා.

සුමේධංකරපුර

මේ ගමේ අය පහුගිය කාලයේදී (යුද්ධ කාලේ) කිහිප වතාවක්ම ගම අතහැර ගිහින් යුද්ධය ඉවර වුනාට පස්සේ නැවත පදිංචියට ඇවිත්. දැනට පවුල් 160ක් පමණ ආපසු ආවත් කිසිම ආකාරයක පහසුකමක් නෑ.

මේ සිසු දැරියත් ඇගේ මවත් කියන්නේ "ටීචර් හොඳයි" කියලා. විදුහල්පති තුමිය කියන්නෙත් "ටීචර් දරුවන් වෙනුවෙන් කැපවුන දක්ෂ කෙනෙක්" කියලා.

ඉතින් දැන් අපි අහමු ටීචර්ගේ, විදුහල්පති හා උප විදුහල්පතිට කියන්න තියෙන කතාව.

විදුහල්පති තුමිය එදා නිවාඩුලු. ඇය දැනගන්න විට සිද්ධිය දුරදිග ගිහින්ලු. ඇය කියන්නේ මේ ගුරුතුමිය ඉතා දක්ෂයි, ආර්ථික විද්‍යා උපාධිධාරිනියක්. ගුරු මංඩලයත්, දෙමාපියනුත්, එකතු වෙලා පාසල දියුණු කර ගන්න ඕනෑ. දරුවා අසරණ කරන්නත් බෑ.
උප විදුහල්පති තුමියගේ අදහස. "දිවයින" පත්තරේ තිබුන විදියටම.

"මේ ප්‍රදේශ වල ගුරුවරු ඉන්නේ නෑ. ගුරුවරු ඉන්නේ ටික දෙනයි. අපිටත් ඕනෑ මේ ප්‍රදේශයේ අධ්‍යාපානය දියුණු කරලා අපේ ප්‍රදේශ වල උගත්තු වැඩි කරන්නයි."

"පාසලේ දක්ෂ ගුරුවරියකට මෙසේ මාධ්‍ය වලින් පහර දෙන්නේ ඇයි? දන්නැති දේවල් දන්නවා වාගේ ලිවීමෙන් මොන තරම් විනාශයක් සිද්ධ වෙනවාද?"

ගුරුතුමිය කියන කථාව කෙටියෙන්.

පාසලේ විනය භාරව ඉන්නේමේ ගුරුතුමියයි. ඇය දරුවන්ගේ පිරිසිදුකම, සනීපාරක්ෂාව ආදිය ගැන නිතර සොයා බලා තියෙනවා. සපත්තු දැමීම ගැනත් බලලා තියෙනවා. මීට පෙර දිනක  දරුවන්ට අනිවාර්යයෙන්ම සපත්තු දමාගෙන  එන්න කියලා තියෙනවා. එදා සපත්තු නොදමා පැමිණි ළමුන් තිදෙනෙකුට සුළු දඬුවමක් ලෙස මේ කියන දඬුවම දීලා තියෙන්නේ.

සපත්තු ගෙවල් වල තියෙද්දිත් දමා නොගෙන ඉන්න ළමයිත් ඉන්න නිසා මේ දඬුවම දීලා තියෙන්නේ. "මේ දරුවාටත් සපත්තු දෙකක් තියෙනවා. ඒක ගෙවිලා නෑ, මැහුම් ගැලවිලා තිබුනේ. මහගෙන දාන්න කියලා සඳුදා කිව්වා . සිකුරාදා වෙනතුරු එය කර තිබුනේ නෑ. ඒ නිසයි මම දඬුවම් කලේ."

දරුවා සෙරෙප්පු කරේ දමාගෙන ඉන්නවා දැක්කාම අම්මාට දැනුන ආවේගශීලී දුක මේ සිද්ධිය මෙතරම් දුර ගෙන ගියත් ඇයගේ සිතෙත් ගුරුතුමිය ගැන තරහක් නැති බව වාර්තා වලින් පෙනෙනවා.

දැන් ගුරුතුමිය වෙනත් පාසලකට මාරු කරලා.

ඕක තමයි කතාව කෙටියෙන්.

මට නම් කියන්න තියෙන්නේ පොලිසියේ OIC මහත්තයානම් වැරදි කාරයා අල්ලලා එවෙලම ඔහුට පුලුවන් විදියට කාර්ය මණ්ඩලයේ අනික් අයත් එක්ක නියමම දඬුවම දීලා.

අපිටත් තියෙන්නේ ඔය සිද්දියේ වෙන වැරදි කාරයෝ හොයන්නේ නැතිව ඔච්චර පැහැදිලිව ඔප්පු වෙලා තියෙන වැරදි කාරයට නිසි දඬුවම් දෙන්න උදවු වෙන එකයි. නැතුව මේක රස කතාවක් කර ගන්න හොඳ නෑ.

වැරදි කාරයාගේ තරම හරියටම දැනගන්න පුළුවන් "දිවයින" පත්තරේ  තිබුන "ගෙවිලා නැති, මැහුම් ගැලවිලා විතරක් තියෙන" සපත්තු දෙකේ පින්තුරය දැක්කානම්. 

මේක මෙතන විතරක් තියෙන ප්‍රශ්නයක් නොවෙයි නේද?

මුළු ජීවිතයම දුක් ගොඩක පැටලිලා කොහොම හරි එයින් ගොඩට එන්න දඟලන අපේම සහෝදර ජනතාවකගේ පුංචි ප්‍රශ්නයක් ගැන අපි උනන්දුනම් මේ ප්‍රශ්නය මෙතනින් ඉවර කරලා, දෙවියෙක් වගේ OIC මහත්තයාව ආදර්ශයට අරගෙන ඒ වගේ ධනාත්මක ආකල්ප ඇති කරගන්න එක තමයි අපිට කරන්න තියෙන්නේ.

දකුණු පළාතේ පාසලෙකත් ත්‍යාග ප්‍රදානෝත්සවයක තෑගි ගන්න හිටිය ළමයෙකුට උත්සවයට දාන්න සපත්තු තිබිලා නෑ.

පෙරහුරුවේදී මේක දැක්ක ගුරුවරයෙක් ඒ ලමයාට සපත්තු දෙකක් අරන් දීලා. හැම තැනදීම මේ වැඩේ කරන්න බෑ

අද දරුවන්ගේ දෙමාපියන්ට විතරක් නොවෙයි, ගුරුවරුන්ටත් හුඟක් ආර්ථික ප්‍රශ්න තියෙන බව අලුතෙන් කියන්න ඕනැ නෑනේ.

අපේ අර ටීචර්ටත් අත මිට සරුවට තිබුනානම් ඒ දරුවට එයාගෙන් සපත්තු ජෝඩුවක් තෑගි ලැබෙන්න ඉඩ තිබුනා කියලත් මට හිතෙනවා.

ඉතින් කව්ද වැරදිකාරයා? දුප්පත්කම තමා. වෙන කවුද?

(රටේ, ප්‍රදේශයේ, පාසලේ, ගමේ, දරුවාගේ පවුලේ) මේ වැරදිකාරයාගේ මිසක් අනික් කාගේවත් වැරදි හොයන්න යන එක තේරුමක් නැති වැඩක්.

Are all head prefects Hitler fans?

HP ලා ඔක්කොම හිට්ලර් fan ලද? Are all head prefects Hitler fans?

Warning!!! This Blog is for mature adults though it does not contain any pornography, violence or hate. The contents can be misleading and/or incomprehensible for those who have not grown up...yet.

අතිශයින්ම වැඩිහිටියන්ට පමණයි
(පොඩි ළමයින්ටත් කමක් නෑ. ඒ උනාට තේරෙන එකක් නෑ. ඒ හින්ද නොකියවනවානම් තමා වැඩිය හොඳ) 

දවසක පත්තර ටික කියවලා, බන චැනල් එකකින් බන ටිකකුත් අහල රෑ වෙන කොට නිවුස් බලපුවම පිස්සු ඩබල්. කාට කියන්නද? ඉස්සර නම් අහන්න අය තොග පිටින්. එක එක්කෙනා හිමින් හිමින් මාරු වෙන කොට අලුත් අය හොයා ගන්න වෙලා. මෙව්වා තමයි Pissu Double Take it or leave it.

14ත් th may 2014

HP ලා ඔක්කොම හිට්ලර් fan ලද? Are all Head Prefects Hitler fans?

(PDD)
අතට අහු උනේ පරණ පත්තරයක්. පුරුදු පරිදි මුල  සිටම කියවන්න ගත්තා. මෙන්න බොලේ තවත් HP කෙනෙක් දීලා interview එකක්. එයාගෙත් ආසම නායකයා හිට්ලර්ලු. පිස්සු ඩබල්. ඔක්කොම ශිෂ්‍ය නායකයෝ හිට්ලර්ටද කැමති? HP ල සහ HP  නොවන පාසල් සිශ්‍යයන්ගේ ව්තරක් නෙමෙයි අනෙක් තරුණ කොටස් වල වුනත් වීරයෙක් (Role model එකක්) විදියට හිට්ලර් නැගී සිටීම එතරම් හොඳ ප්‍රවනතාවයක් කියලා මම හිතන්නේ නෑ.

මේ දරුවෝ තමන්ගේ වීරයා හිට්ලර් කියල කියන්නේ හිට්ලර් ගැන අබමල් රේණුවකවත් දැනීමක් ඇතිව කියල මම විශ්වාස කරන්නේ නෑ. (ලෝකයේ ජනගහනයෙන් විශාල කොටසක් තුල , ජර්මන් කාරයොත් ඇතුලත්ව, හිට්ලර් ගැන තියෙන්නේ ලොකුම ලොකු පිළිකුලක්.)

 හිට්ලර්ගේ කෘර යුදෙව් සංහාරය පසුබිම් කරගෙන හැදු TV Series එකක් (Holocaust) පෙන්නපු දවස් වල  ජර්මන් කාරයෝ පාරේ තොටේ ගියෙත් ලජ්ජාවෙන් බිම බලාගෙන. හුඟක් අය රටේ මොනවද උනේ කියලා දැනගෙනවත් ඉඳලා නෑ.

ජර්මනිය ඇතුලේ අදටත් (යුද්දේ ඉවර වෙලා අවුරුදු 70ක් විතර ඇති) හිට්ලර් ගැන කතා කරන්නවත්, හිට්ලර්ගේ ලාංචනය වන ස්වස්තිකය ප්‍රදර්ශනය කරන්නවත් තහනම්.

අපේ දරුවන්ගේ නොදැනුවත් කමට ප්‍රධානම වගකිවයුත්තෝ

1.  දෙමවුපියෝ

2.  ගුරුවරු

3.  මාධ්‍ය

4.  පාසල් විෂය නිර්දේශ

5.  අධ්‍යාපන රටාව

කියලා මට හිතෙනවා.

කියවීම දරුවන්ට එපා වුන යුගයක, පල් වෙච්ච පට්ට කුණුහරුප, කලාව, සංගීතය, ටෙලි නාට්‍ය කියලා TV කාලය පුරවන යුගයක ළමයෙකුට ඇහෙන ලස්සන නමක් ඒ තමා මගේ වීරයා කියලා කිවුවාම මොනවා කරන්නද?

ඒ වුනාට අද කාලේ උසස් පාසලක ඉහලම පන්තියේ ඉගෙන ගන්න,  අවුරුදු 18ක් 19ක් විතර වයස ළමයෙක්, පාසලේ වැඩිම වගකීමක් දරන සිශ්‍යයා, ජාතික පුවත්පතකට තමන්ගේ වීරයා හිට්ලර් කියල ප්‍රකාශ කරන කොට පොඩ්ඩක් හිට්ලර් කියන්නේ කවුද කියලා හොයා බලලා ඉන්න ඕනෑ.

හිට්ලර් ගැන තොරතුරු හොයා ගන්න එක මහා අමාරු වැඩක් නෙමෙයිනේ. සමහර වෙනත් ලෝක නායකයෝ ගැන වගේ වෙනස් වෙනස් මත නෑ හිට්ලර් ගැන. හිට්ලර් ගැන මුළු ලෝකෙම ඒකමතික තීන්දුවක් දීලා තියෙන්නේ.

Hitler කියල Google search එකක් දැම්මොත් වෙබ් පිටු මිලියන 28.6 ක් තියෙනවා. ඔක්කොම නැතත් wikipedia එකේ තියෙන ටික විතරක් කියවන්න.

හිට්ලර් ගැන හිට්ලර් පටන් ගත්ත දෙවැනි ලෝක යුද්දය ගැන සහ හිට්ලර්ගේ මහා යුදෙව් සංහාරය (සහ මිනිස් සංහාරය) ගැන පර්යේෂණ ලිපි, සාශ්ත්‍රීය පොත්පත්, නවකතා, නාට්‍ය, චිත්‍රපටි, ටෙලිනාට්‍ය, පොප් සංගීත වගේ දේවල් අනන්ත ලියවිලා, නිපදවල. තියෙනවා.

හිට්ලර් කතාව අලුතෙන් පටන් ගන්න HP ලා පුංචි project  එකක් විදියට "මා හිට්ලර්ට කැමති ඇයි?" කියලා වචන  1000 ක 1500 ක කෙටි ලිපියක් ලියලා බලන්න. තොරතුරු හොයන කොටම ඕකේ අනිත් පැත්තට තොරතුරු හමුවුනොත් මාතෘකාව වෙනස් කරන්න. පත්තරේකට යවන්න පලකරන්න කියලා. (හොඳ Damage control ප්‍රොජෙක්ට් එකක්.)

මගෙන් තොරතුරු ටිකක්.

1. හිට්ලර් බලයට ආවේ  පාර්ලිමේන්තුවට ගිනි තියලා වැරැද්ද කොමියුනිස්ට් කාරයන්ට පටවලා. මර්දනයක් දියත් කරලා.

2. හිට්ලර් දෙවෙනි ලෝක යුද්දය පටන් ගත්තේ ජර්මන් යුද්ධ භටයන්ට පෝලන්ත භටයන්ගේ uniform අන්දලා දේශ සීමාව ළඟ මරා දාලා, පෝලන්තය, ජර්මනිය ආක්‍රමණය කලබවට චෝදනා කරමින්.

3. හිට්ලර්ගේ වැඩ

යුදෙවු සංහාරය  - මිලියන 6යි

මරා දැමු සෝවියට් හිරකරුවෝ - මිලියන 6 යි
මරා දැමු සෝවියට් සාමාන්‍ය වැසියෝ - මිලියන 2 යි
මරා දැමු පෝලන්ත සාමාන්‍ය වැසියෝ - මිලියන 1 යි
මරා දැමු යුගොස්ලාවූ සාමාන්‍ය වැසියෝ - මිලියන 1  යි

මරා දැමු ශාරීරික හා මානසික ආබාදිතයෝ 70,000 යි.
මරා දැමු ජිප්සී ජනතාව 60,000 යි

යුද්දයේදී මියගිය ගණන මිලියන 60 යි.

ඉතිහාසයේ කුණු වලට විසි කර දැමු මේ මිනිහා තමා ගේ වීරයා  විදියට ප්‍රකාශ කරන්නත් හේතු තියෙන්න එපායැ.

ඉක්මනට පොතක් පතක් කියවලා හරි දේ හොයා ගන්න.

පුලුවන්නම් Holcaust බලන්න. විනාඩි 475 ක් යනවා. කොටස් 4යි.  DVD  තියෙනවා. Youtube එකෙත් තියෙනවා. Torrent  එකකින් Download  කරන්නත් පුළුවනි. මම හිතන්නේ මේක ලංකාවෙත් පෙන්නුවා.

මේක හරිම සංවේදී කතාවක්. ඔයාලටනම් කොහොමද මන්දා. මමනම් කීපවතාවක්ම ඇඬුවා. 

Nadu, Nadu, Nadu

Nadu Nadu අල්ලස් කොමිසමේ නඩුව, දන ගැස්සීමේ නඩුව හා බුලත් කෙල නඩුව


Warning!!! This Blog is for mature adults though it does not contain any pornography, violence or hate. The contents can be misleading and/or incomprehensible for those who have not grown up...yet.

අතිශයින්ම වැඩිහිටියන්ට පමණයි
(පොඩි ළමයින්ටත් කමක් නෑ. ඒ උනාට තේරෙන එකක් නෑ. ඒ හින්ද නොකියවනවානම් තමා වැඩිය හොඳ) 

දවසක පත්තර ටික කියවලා, බන චැනල් එකකින් බන ටිකකුත් අහල රෑ වෙන කොට නිවුස් බලපුවම පිස්සු ඩබල්. කාට කියන්නද? ඉස්සර නම් අහන්න අය තොග පිටින්. එක එක්කෙනා හිමින් හිමින් මාරු වෙන කොට අලුත් අය හොයා ගන්න වෙලා. මෙව්වා තමයි Pissu Double Take it or leave it.

13th may 2014

Nadu Nadu Nadu Nadu

අද පත්තරේ බලන කොට  ඔක්කොම නඩු. නිකම් පිස්සු ඩබල් වගේ. ඔන්න බලන්න. හැබැයි මම ලියන දේවල් විශ්වාස කරන්න එපා. මෙව්වා පිස්සු ඩබල් නේ.

(PDD)  අල්ලස් කොමිසමේ නඩුව.

මේක අර ලොකු තැනක හිටපු කෙනකුට විරුද්ධව අල්ලස් කොමිසම දාපු නඩුවක්. විත්තිකාරි කියනවා වැරදිකරුද, නිවැරදිකරුද කියන්න බැරිලු. ඇත්ත නේන්නම්. ඒක තීරණය කරන්න ඕනෑ උසාවියනේ. පිස්සු ඩබල්. මහේස්ත්‍රාත් තුමාගේ මුළු රාජකාරි ජීවිතයටම  මේ වගේ ප්‍රශ්නයක් ආවේ මේ සැරේලු.

පොත් බලලා, තව දන්නා කරන අයගෙනුත් අහලා තමයි ඉදිරි ක්‍රියා මාර්ග ගන්න වෙන්නේ. මගේ හිතේ.

අපේ රටේ නඩු අහන හැටි ඉගෙන ගන්න විදෙස් නීති ධරයොත් ඇවිල්ල. ඔය තියෙන්නේ ඉගෙන ගන්න දේවල්.

(PDD)

ගුරුවරියකට පාසල තුලදීම ශිෂ්‍යයන් ඉදිරියේ දන ගස්වා හිංසනයට ලක් කල ප්‍රාදේශීය දේශපාලකයෙකුට උසාවියෙන් දඬුවම් කරලා. බරපතල වැඩ සහිත අවුරුදු දෙකක් හිරේ (අත් හිටවූ)

පනස්දාහක් දඩ. ගුරුතුමියට ලක්ෂ තුනක වන්දියක් (පැය දෙකක් ඇතුලත) ගෙවන්නත් නියම කරලා.  එහෙම ගෙවන්න බැරිනම් තව හිර දඬුවම්.

සාමාන්‍ය ජනතාවනම් මේ වගේ තීන්දු වලට කැමතියි වගේ.

(PDD) දුම්කොළ සමාගමේ අභියාචනය ඉවතට

මේක ඉතා වැදගත් නඩු තීන්දුවක් නේ. Follow  නොකරපු අයට පොඩ්ඩක් විස්තරේ දෙන්නම්. සිගරට් පැකට් වල පිට පැත්තේ 80% ක් පිරෙන්න, දුම්බීමේ විපාක පිළිබඳව රූප සහිත අවවාද දාන්න කියලා ගැසට් නිවේදනයක් නිකුත් කළා, සෞඛ්‍ය ඇමති තුමා.

මේක 35% ක් කරන්න කියලා දුම්කොළ සමාගම උසාවියෙන් ඉල්ලුවා රිට් ආඥාවක්. උසාවිය දුන්න තීරණය අනුව අනුව 50% - 60% ක් රූපමය අවවාද වලට වෙන්කරන්න ඕන.

බලන කොට ඒ තීරණයත් හොඳයි. සිගරට් බොන මිනිහාට Brand එකවත් බලා ගන්න පුලුවන්නේ. තමන්ට  හැදෙන්න තියෙන පිලිකා වල වලට අමතරව.

(PDD)  බීමත් සහතිකේ නොදුන් දොස්තර රිමාන්ඩ්

මාතලේ පොලිසිය විසින් රජයේ රෝහල වෙත ඉදිරිපත් කල බීමත්  පුද්ගලයෙකු සම්බන්දව බීමතින් නොමැති බවට සහතිකයක් නිකුත් කල දොස්තර මහතෙක් පොලිසිය විසින් උසාවියට ඉදිරිපත් කිරීමෙන් පසුව රිමාන්ඩ් භාරයට පත් කර ඇත. (පිස්සු ඩබල්)

මහේස්ත්‍රාත් වරයා වෙත කරුණු ඉදිරිපත් කල පොලිසිය කියා සිටින්නේ දොස්තර මෙසේ කර ඇත්තේ දින කීපයකට පෙර, ප්‍රතිකාර ගැනීම සඳහා රෝහලට පැමිණි කුඩා ළමයෙකුට පයින් ගැසීමේ සිද්ධියක් සම්බන්දයෙන් පොලිසිය දොස්තරට විරුද්ධව නීතිමය ලෙස ක්‍රියා කිරීමට එකට එක කිරීමක් වශයෙන් බවයි.

(PDD) බුලත් කෙල නඩුව, දඩය 1500 යි.

 බස් රථයක කවුළුවෙන් එලියට බුලත් කෙල ගැසීම සම්බන්දව වරද පිලි ගත් බස් රියදුරෙකුට රුපියල් 1500 ක දඩය නියම කර ඇත.

තීන්දු දුන් නඩු වලට අමතරව තව ගොඩක් නඩු නිමිති.  ඔන්න බලන්න

රජය පැත්තේම නාගරික මන්ත්‍රී කෙනෙකුට මහා දවාලේ මහ පාරේදී වෙඩි වරුසාවක් තියලා. එතනම මැරෙන්න. වෙඩි තියලා තියෙන්නේ නාඳුනන තුවක්කු කරුවෙක්ලු. මෙයාලා  කාලයක් කොහේ හරි ගිහින් ඉඳලා දැන් ආයෙත් එනවා වගේ. 

මේ කට්ටියේම (නාඳුනන) තව කීප දෙනෙක් පොලිසියේ දෙන්නෙක්ව අරගෙන ගිහින් එක්කෙනෙක්ව මරලා. අනික් කෙනා පොර බදලා බේරිලා ඇවිත්. uniform දෙක ගලවාගෙන ගිහින්.

පොලිසියෙන් අත්අඩංගුවට ගත් බදුල්ල පැත්තේ අවුරුදු 18 ක තරුණයෙක් මිය ගිහින්.

තව ගොඩක් තියෙනවා. මමනම්  කියෙව්වා. ඒත් දැනට මේ ඇති.

Dreaming the Throne.

Warning!!! This Blog is for mature adults though it does not contain any pornography, violence or hate. The contents can be misleading and/or incomprehensible for those who have not grown up...yet.

අතිශයින්ම වැඩිහිටියන්ට පමණයි 
 
(පොඩි ළමයින්ටත් කමක් නෑ. ඒ උනාට තේරෙන එකක් නෑ. ඒ හින්ද නොකියවනවානම් තමා වැඩිය හොඳ) 

දවසක පත්තර ටික කියවලා, බන චැනල් එකකින් බන ටිකකුත් අහල රෑ වෙන කොට නිවුස් බලපුවම පිස්සු ඩබල්. කාට කියන්නද? ඉස්සර නම් අහන්න අය තොග පිටින්. එක එක්කෙනා හිමින් හිමින් මාරු වෙන කොට අලුත් අය හොයා ගන්න වෙලා. මෙව්වා තමයි Pissu Double Take it or leave it.

12th may 2014 

තව අයටත් සිංහාසනේ ගැන හීන පේනවා.

ජනවාරියේදී ජනපතිවරණයක් තියයි කියලයි, හැමෝම දැන් හිතාගෙන ඉන්නේ. දැන් දැන් එක එක අයට ඔටුනු, සිංහාසන, රජගෙවල් වගේ ඒවා හීනෙන් පේන්න පටන් අරගෙන. මහින්ද රාජපක්ෂ ජනාධිපතිතුමා ඇරෙන්න තව කවුරුත්  ගනන් ගන්න පුළුවන් තරමේ අපේක්ෂකයෙක් තවම ඉදිරිපත් වෙලා නැති නිසා මේ ලෙඩේ හුඟක් අයට බෝ වෙමින් පවතින බව පේනවා.

පත්තර වලිනුත් මේ ලෙඩ්ඩුන්ව අල්ලාගෙන අන්දනවා. මම අද දැක්ක පත්තරේකත් ඒ වගේ කෙනෙක් එක්ක සාකච්චාවක්. බලපුවාම එයත් සිවුරු අඳින කෙනෙක්  Pissu double .

හෙඩිම මම ජනාධිපති වුනොත්. මේක එහෙම පිටින්ම සිහින කතාවක්නේ. අපි ඔය වගේ මාතෘකා වලට රචනා ලියලා තියෙනවා ඉස්සර. විහිළු, අසම්භාව්‍ය මාතෘකා නිසා මෙව්වා කවුරුවත් කොහොමටවත් සීරියස් ගන්න ඕනෑ නෑ.

පත්‍ර වල දාන්නෙත් අපට බලලා හිනාවෙන්න. අලෙවිය වැඩි කරා ගන්නත් එක්ක. මේ ටිකත් බලල හිනා වෙන්න ජෝක් වලට ජෝක් වලින්ම ප්‍රතිචාර.

ආගම

ආගම පුද්ගලික කටයුත්තක් කරනවා.

ආගම තම තමාගේ පුද්ගලික මතයක් නිසා ඕනෑ කෙනෙක් අනික් පුද්ගලික කටයුතු වගේ ඒකත් ගේ ඇතුලේ රහසිගතව කර ගන්න එකයි ඇත්තේ. ප්‍රසිද්ධියේ කෙරෙන ආගමික වැඩ කටයුතු, සාකච්චා, ආගමික සංකේත, පොත පත ආදිය පිළිබඳව  නීති සම්පාදනය කරනවා. අර අසභ්‍ය දේවල් සඳහා තියෙන නීති වාගේම.

දක්ෂම ඇමති ආහාර සම්පාදනයට.

අපේ රටේ හැම කටයුත්තකදීම කෑමට ප්‍රධාන තැනක් දෙනවනේ.   ආණ්ඩු පෙරලි බොහොමයක් සිද්ද උනෙත්  ඔය කේස් එක හින්දනේ.

බන කතාවකුත් මතක් උනා. අර හරක් හොයන්න කැලේ  ගිහින් බඩගින්නෙම බන අහන්න ආව මනුස්සයාට කෑම ටිකක් කන්න සලස්වළලු බුදු හාමුදුරුවොත් බන කිවුවේ.

සංඝාධිකරණය

ආණ්ඩුව ඔය වැඩේට අත ගැහුවොත් හාමුදුරු වරුන්ගේ නඩු අහන්න ගිහියන්වත්, වෙන ආගම් වල ගිහි පැවිදි අයවත් පත් කරන්න වෙයි ඉදිරියේදී. ඇයි ඉතින් සම අයිතිවාසිකම්නේ, හැමෝම ඉල්ලන්නේ.

මමනම් හාමුදුරු වරුන්ගේ ප්‍රශ්න ගිහියන්ගේ උසාවි වලට ගේන්න තහනම් කරනවා. අධිකරණ නායක කියලා තනතුරු එහෙම තියෙන්නේ.

මත්පැන්

මත්පැන් වැඩේනම් ටිකක් සංකීර්ණ ප්‍රශ්නයක් නේද? සංචාරකයෝ, විදේශ දූත  මණ්ඩල, විදේශ ව්‍යාපාරිකයෝ සහ මේ ගොල්ල එක්ක තියෙන භෝජන සංග්‍රහ වගේ දේවල් වලදි මොකද කරන්නේ. ඒ මදිවාට මත්පැන් වලින් රටේ ආදායමට ලැබෙන දායකත්වය.

මම නම් කරන්නේ මත්පැන් වලට ඉහල බදු දමනවා. ඒකත් පුද්ගලික දෙයක් කරනවා. රජයේ ආයතන, පොදු ස්ථාන සහ මහා පාරවල බීලා ඉඳලා අහුඋනොත් දඩ ගහනවා + හිරේ දානවා. මේ නීති යටතේ ඕනෑ කෙනෙක් ඕනෑ තරම් බොන එකයි ඇත්තේ.

Casino

මළ ගෙවල් වල, පිරිත්ගෙවල් වල එහෙම බුරු ගහන්න ඒ අයට හොඳයි. මමනම් කරන්නේ ලයිසන් තියෙන ඒවාට (තියෙන පහට ඇර වෙන එකක්කත් ලයිසන් නෑ) රට පුරා ශාඛා අරින්න දෙනවා. එතකොට මළ ගෙවල් වල, පිරිත්ගෙවල් වලටත් බැරියැයි, ජංගම සේවා දෙන්න, ලයිසන් කට්ටියටම. පන්ති බේදයක් නැතිව හැමෝටම පුළුවන් කුමාර ක්‍රීඩා වල යෙදෙන්න.

ඉන්න හරක්

ජනපති චන්දෙන් දිනන්න නම් ලක්ෂ පනහ පන්නන්න ඕනෑ. තව ටිකක් හිටියානම් තමයි හොඳ. හරක් වැඩි කිරීමේ ව්‍යාපාරයක් දැම්මම දියත් කරනවා.

රට රැකියා

බටහිර පොහොසත් රටවල කට්ටඬි වැඩ වලට, හදි හූනියම් , සාත්තර බැලීම, අංජනම් බැලීම වගේ  ගුප්ත වැඩ වලටත් භාවනා වලටත් හොඳ ඉල්ලුමක් තියෙනවා. ඒ අංශය දියුණු කරන ගමන් හවුස් මේඩ් වැඩේ අඩු කරලා දාන්න කටයුතු කරනවා.

මරණීය දණ්ඩනය

මනුශ්‍ය ඝාතනය තියා සත්ව ඝාතනයටවත් මම කැමති නෑ. දැනට අලුගෝසුවෙක් හොයා ගන්නවත් බැරිව ඉන්න වෙලාවේ ඔය අහුවුනේ හොඳ candidate කෙනෙක්. අල්ලලා පත් කරනවා. අම්මපා. (තීරණ ගැනීම හා ක්‍රියාත්මක කිරීම දෙකටම). හැබැයි ඉතින් වැඩ කරන වෙලාවට වෙන තනතුරු වලට අදාළ uniform  අඳින්න බෑ. hangman uniform එක අඳින්න ඕනෑ

ඉඩම්

ඉඩම් ඔක්කොම  ආණ්ඩුවට ගන්නවා. පාවිච්චි කරන අයගෙන් කුලියක් අය කරනවා.

ආගමික පොලීසි

ආගම් වලට විතරක් නෙමෙයි හැම වැඩේටම ඒ ඒ වැඩේට වෙන වෙනම පොලීසී දානවා. ආගම් පොලීසි වලට, අදාළ ආගමේ පැවිදි පක්ෂයෙන්. පලපුරුද්ද බලලයි ගන්නේ.

Cabinet එකේ ගණන.

විසිපහක් මක්කටයි? ගෙදර ඉන්න ගනනට ඇමතිකම් තිබුනම හොඳටම ඇති.

National Languages

සිංහල, දෙමල තමා රටටම වසංගතයක් උනේ. තහනම් කරනවා. දෙකම.

KUDU

කාටවත් ඒ වැඩේටනම් අත  තියන්න දෙන්නේ නෑ. ඒ වැඩේ මම බලා ගන්නම්.

provincial Councils

පළාත් සභා අහෝසි කරලා, මගේ පක්ෂයේ අය විතරක් ඉන්න ඉන්නපළාත් සංවර්ධන සභාවල්  හදනවා. අර අහවල් අහවල් රටවල් වල තිබුන වගේ.

ජනාධිපති නිල ඇඳුමක් (special Uniform for President )

ජනාධිපති නිල ඇඳුමක් ව්‍යවස්ථාවෙන්ම නියම කරනවා. තොප්පි දාගෙන, ලෝගු ඇඳගෙන, තිලක තියාගෙන, සිවුරු පොරවාගෙන රජ පුටුවේ ඉඳගන්න තියෙන ඉඩ මේකෙන් වලකිනවා.

වැරැද්දක් තියෙනවානම් ඔබේ යෝජනා දාන්න. මම සලකා බලන්නම් 

 

මටනම් පිස්සු ඩබල් වෙලා.

Biggest Fine in History + 102 year sentence

Biggest Fine in History + 102 year sentence

Warning!!! This Blog is for mature adults though it does not contain any pornography, violence or hate. The contents can be misleading and/or incomprehensible for those who have not grown up...yet.

අතිශයින්ම වැඩිහිටියන්ට පමණයි
(පොඩි ළමයින්ටත් කමක් නෑ. ඒ උනාට තේරෙන එකක් නෑ. ඒ හින්ද නොකියවනවානම් තමා වැඩිය හොඳ)
දවසක පත්තර ටික කියවලා, බන චැනල් එකකින් බන ටිකකුත් අහල රෑ වෙන කොට නිවුස් බලපුවම පිස්සු ඩබල්. කාට කියන්නද? ඉස්සර නම් අහන්න අය තොග පිටින්. එක එක්කෙනා හිමින් හිමින් මාරු වෙන කොට අලුත් අය හොයා ගන්න වෙලා. මෙව්වා තමයි Pissu Double Take it or leave it.

10th may 2014 

Biggest Fine in History + 102 year sentence

ඉතිහාසයේ ලොකුම දඩය (අවුරුදු 102 ක සිරදඬුවමක් සමග)

ලංකාවේ උසාවියකින් ගහපු ලොකුම දඩය ඔයාල දන්නනවානේ . (රුපියල් කෝටි 1198). මේ ඉලක්කම කී දෙනෙකුගේ ඔලුවට යාවිද මන්දා? පිස්සු ඩබල්. 

මම එහෙම කිවුවේ සංඛ්‍යා ගැන කතා කරන කොට ඉතාම පුංචි අයට තියෙන්නේ ඉලක්කම් දෙකයි. (එකයි - ගොඩයි) ඒ ගොල්ලන්ගේ අනන්තය, අසංඛ්‍යය වගේම දෙක තුන හතරත් එකමයි. (Binary කට්ටිය - දුප්පත්ම දුප්පත් අය)

ඊට වඩා බර  තියෙන අයගේ ගණන් ක්‍රමයට ඉලක්කම් තුනයි. (එකයි, දෙකයි, ගොඩයි). ඒ අය කලින් කිවුව අයට වඩා ගොඩාක් පෝසත්.

ඔයාලා කොච්චර ලොකුයි කියලා හිතන් හිටියත් ඔයාලගේ ගණන් ක්‍රමයට කෝටි 1200, ලොකුයි කියන තනි ඉලක්කමට යනවානම් (obvious) මේ ප්‍රශ්නය ඔයාලට අපිට අයිති නැති ප්‍රශ්නයක් වෙනවා. මොකද, දන්නේ නැති මගුල් ගැන කතා කරන එක වැඩක් නැතිවා වගේම නරක ප්‍රතිඵල ලබා දෙන්නත් ඉඩ තියෙනවා.

ඒ නිසා මේක අපිම තේරුම් ගන්න බලමු. ඔයාගේ ප්‍රධාන ප්‍රවාහන ක්‍රමය? බස් එකද? වීල් එකද? යාලුවාගේ බයික් එකේ pillion එකද? එහෙමත් නැත්නම් පයින්මද? එහෙනම් ඔට්ටුයි, ඔයාට මේ ගණන කොහොමවත්  තේරෙන්නේ නැතුවාට.

අපි එහෙනම් ගම්මු බයික් එකක්. කීයක් විතර වෙයිද? මේක ලියන්නම දැම්මා research  එකක්. හම්බ වෙච්ච පළමු වෙනි බයික් ඇඩ් එක. Hero Pleasure එකක් කොහොමද ස්ටාර්ට් එකට. රු. 178,563 + vat. මම VAT rate දන්නෙ  නෑ. හෙල්මට් දෙකටයි, ලයිසන්, ඉන්සුවරන්ස් වලටයි යන ගානත් එක්ක ලක්ෂ දෙක පනිනවනේ.

ලක්ෂ දෙකෙන් කෝටි 1200 බෙදලා බලන්නකෝ. අමාරු නම් මෙන්න උත්තරේ. 60,000 යි. ඒ කියන්නේ ඔය ගානට Hero Pleasure බයික් 60,000 ක් අර ගන්න පුළුවන් කියන එකයි. වැදුනද? (අනේ මෙහෙම ආසාවක්)

ඔය 1198 දඩය ගැහුවේ 400ක් විතර වංචා කරලා අහුවෙලා. අහුවෙච්ච එකේ ගාන ඔච්චර නම් අනිත් එව්වා? ගත්තු එව්වා, ගහපු එව්වා ආයෝජනය කරපුවාම? (වත්කම් ගැනත් පත්තරේ තිබුනා)

වැදගත්ම කොටසක්. ගිය සතියේ මට පොලේදී මුණ ගැහුනා මගේ පරණම යාලුවෙක්. එයා පෙන්සන් ගන්ඩ ඉස්සෙල්ල වැඩ කලෙත් ඔය දඩය කාපු, හිරේට නියම වුන ලොක්ක හිටපු තනතුරේම තමයි. පදවිය නම් වෙනස්. 

සමහර වෙලාවට එයා බස් වලත් යනවා. වීල් එකෙත් යනවා. පයිනුත් යනවා. ඔවු, ඔවු කාර් එකෙනුත් යනවා.

එකක් ෂුවර්... මොකේ ගියත් එයාටනම් හිරේ යන්න වෙන්නෙ නෑ. දඩ කන්න වෙන්නෙත් නෑ. මෙහෙ ඉඳලා කෙලින්ම දෙව් මවු තුරුලට තමා.

මේ ටික ලියන්නේ මගේ ආශාවට.
Hero Pleasure ගැන කියන කොට මට මතක් උනා  මගේ බයික් එක  (අවුරුදු 35 ට විතර ඉස්සර)

 මේ තියෙන්නේ.   

 

courtesy: www.utvdrive.co.uk
Kawasaki Z250 (1982)

මේක මට සම්භාවිතාවය ගැන හොඳ පාඩමක් ඉගැන්නුවා. "බයික් පදින කොට  කකුලක්  කැඩෙන්න තියෙන සම්භාවිතාවය හොඳටම වැඩියි."

"සබ්බේ සංඛාරා අනිච්චාති"