"Mawbima Newspaper", 5S and Seiri, University Education and Campus-Thurstan gal-hatana

 "Mawbima Newspaper", 5S and Seiri, University Education and Campus-Thurstan gal-hatana

Warning!!! This Blog is for mature adults though it does not contain any pornography, violence or hate. The contents can be misleading and/or incomprehensible for those who have not grown up...yet.

අතිශයින්ම වැඩිහිටියන්ට පමණයි
(පොඩි ළමයින්ටත් කමක් නෑ. ඒ උනාට තේරෙන එකක් නෑ. ඒ හින්ද නොකියවනවානම් තමා වැඩිය හොඳ)
දවසක පත්තර ටික කියවලා, බන චැනල් එකකින් බන ටිකකුත් අහල රෑ වෙන කොට නිවුස් බලපුවම පිස්සු ඩබල්. කාට කියන්නද? ඉස්සර නම් අහන්න අය තොග පිටින්. එක එක්කෙනා හිමින් හිමින් මාරු වෙන කොට අලුත් අය හොයා ගන්න වෙලා. මෙව්වා තමයි Pissu Double Take it or leave it.

8th may 2014

"Mawbima Newspaper", 5S and Seiri, University Education and Campus-Thurstan gal-hatana
 

(PDD) මව්බිම පත්තරේ.

තාත්තගේ සුලැඟිල්ලේ එල්ලිලා කොළඹ වරාය බලන්න ආව දවසේ ටයිම්ස් බිල්ඩිම ඉස්සරහ තිබුන විශාල මාර ගහ යට උස මහත සුද්දෙක් පත්තර විකුනනවා. පිස්සු ඩබල්.

අපේ තාත්තටත්  හදිස්සි කඩි  කුලප්පුවක් හැදුනා. ඉක්මනට දුවලා ශත පහක් දීලා පත්තරයක් අර ගත්තා. සුද්දා එක්ක වචන දෙකතුනකුත් කතා කළා. සුද්දත් තාත්තා එක්ක ටිකාක් අමුතු සිංහලෙන් කතා කෙරුවා. මගේ ඔලුවත් අත ගැවා. 

පස්සේ තාත්තා මට කිවුවා විස්තරේ. "ඒ හිටියේ පීටර් කෙනමන් සහෝදරයා. එයා තමා මැද කොළඹ පළමු වෙනි මන්ත්‍රී." (ඒ කාලේ මැද කොළඹට මන්ත්‍රීලා තුන් දෙනයි. කේනමන් මහත්තයා කී වෙනියද කියල හරියටම මට මතක නෑ. කියපු වචන විතරක් ටික ටිකක් මතකයි. තේරුම් පහුකාලේ දැනිච්ච එව්වා වෙන්න ඇති.)

ගෙදර ඇවිත් අමාරුවෙන් පත්තරේ කියෙව්වා. අර ලොකුම අකුරු වලින් තියෙන නම විතරයි ඒ කාලේ කියවන්න පුළුවන්. ඒ මව්බිම පත්තරේ. කොමියුනිස්ට් පක්ෂයේ නිල පුවත්පත. මවුබිම අලුතින් ගහන්න ගත්තට පස්සේ කොමියුනිස්ට් කට්ටිය නඩු දැම්මා නම ඉල්ලලා. ආයෙත් නඩුව ඉල්ලා අස් කර ගත්තා. (2006 දීද?)

මොක වුනත් මට පත්තර තොගයක්ම ආවට මවුබිම තමා favourite ම.

(PDD) 5S, සෙයිරි සහ සෙයිතොන්

මම ඉඳගෙන බ්ලොග් ගහන කොට අපේ කට්ටියට ටිකක් අප්සැට්. මට පොඩි ප්‍රශ්නයක් දැම්මා ලොක්කි. මම කිවුවා. "මම මස්තිශ්කය සෙයිරි කරනවා" කියලා. 

තවත් ටිකක් බලා ඉන්න කොට මම දුන්නා පුංචි පැහැදිලි කිරීමක්. "තැනකින් තැනකට යන  වෙලාවට උන්න හිටිය තැනක් සුද්ද බුද්ද කරලා, අතු පතු ගාලා, අස් පස් කරල තියලා, යන්න එපා යැ." පිස්සු ඩබල්. මෙන්න බොලේ ලොක්කිගේ ඇහේ කඳුළු.

(PDD) 
University Education and Campus-Thurstan gal-hatana

පත්තරේ බලන කොට දැක්කේ. විශ්ව විද්‍යාලයට සුදුසු කම් ලබපු දාස් ගානක් ඇතුල් කර ගන්න විදියක් නැතිලු ඉඩ නැතිව. ඒ අස්සේ අලුත් මාස්ටර් කෙනෙක් පරණ මාස්ටර් කෙනකුට "මානව ශාස්ත්‍ර කපන්න එපා" කියලා challange එකක්. "දැන් සනීපද?"  කියලත් අහනවා. පිස්සු ඩබල්.

විසඳුම් හොයන්න මම ගියා අවුරුදු පනහක් අතීතයට.

ඒ ගමන උනේ HSC කරපු කට්ටියයි AL කරපු කට්ටියයි දෙගොල්ලම  වාසිටි යන්න. කැම්පස් හතරනේ තිබුනේ. (university 3 යි) විද්‍යෝදය, විද්‍යාලංකාර දෙකටත් වෙන වෙනම entrance විභාග මගේ හිතේ.

මෙන්න ඒ කාලේ දුන්න විසඳුම. (අතුරු කතා ගොඩක් එක්ක). මේ  සැරෙත් ඒකම ට්‍රයි කරලා බලමු.

Ceylon එකේ කර්මාන්ත දියුණුව ලෝකෙට පෙන්නන්න තිබ්බනේ ප්‍රදර්ශනයක්. (Race Course) එකේ. ඒක බලන්න සුද්දෝ ආවද මන්දා. මමනං දෙගමනක් බැලුවා. පාසල් දරුවන්ට රජයෙන් නොමිලේ බස් පහසුකම් ඇතුළුව ප්‍රදර්ශනය බලන්න ලැබුණා.  ඒ කාලේ කෝටියක් වටින අත්දැකීමක්. 

ග්‍රහලෝකාගාරයත් හැදුවේ ඒ වෙලාවේ. රටවල් කීපයක්ම stalls දාලා තිබුනා. මේ රටේ අය පළමු වරට රුපවාහිනී තිරයක් දැක්කේ එතන තිබුණු American stall එකෙන්.

අදාළ දේ මේකයි. ඉතුරු බිතුරු උන යටිතල පහසු කම් ටික තමයි කැම්පස් එකට හම්බ උන දායාදය. නොතිබුන ඉඩ හම්බ උනා. සුදුසුකම් තිබුන ඔක්කොම ලමයි ටික මානව ශාස්ත්‍ර පීඨයට.

AL වලට සිංහල, ලංකා ඉතිහාසය, ඉන්දීය ඉතිහාසය, භූගෝලය, බෞද්ධ සංස්කෘතිය වගේ විෂයයන් ඉගෙනගත්ත ළමයි Econ, philosophy වගේ අලුත් විෂයයන් තෝරා ගත්තා පොදි  පිටින්.

GAQ (ෆස්ට් ඉයර්) ඉකෝන් මුල්ම ලෙක්චර් එකට දාහකට වැඩියි. ග්‍රෑන්ඩ් ස්ටෑන්ඩ් එක පිරිලා. එළිමහන් දේශන ශාලාවේ ශිෂ්‍යයෝ. ප්‍රදර්ශනේට වානේ සංස්ථාවෙන් හදපු අට්ටාලේ තිබුන තැන දේශකයා. ළමයින්ට හොඳට ඇහෙන්න ඉස්පීකර් දමල. (ටියුෂන් ස්පීකර් වලට වඩා හුඟක් ප්‍රාථමික ඒවා. මේ... යකඩ කටවල්.) 

ඉන්ද්‍රරත්න මහත්තයා (Dr ද Prof ද මට මතක නෑ) සිසිල් සුලන් වැදි  වැදී අවුව නිසා දාඩියත් දාගෙන නමෝ විත්තියෙන් පටන් ගත්තා "අශ්ව විද්‍යාලයේ" පළමු ලෙක්චර් එක.

"සීමිත සම්පත් ප්‍රමාණයකින් අසීමිත අවශ්‍යතාවයන් ප්‍රමාණයක් සපුරා ගන්න විදිය තමයි ආර්ථික විද්‍යාවෙන් ඉගෙන ගන්නේ" දුන්නා  ආර්ථික විද්‍යාවට introduction එක.

"හරියට, ඉතුරු වෙලා තියෙන කෙස් රොදවල් දෙකෙන් මුළු තට්ටේම වහනවා වගේ වැඩක්" කට කැඩිච්ච කොල්ලෙක් කියනවා ඇහුනා.

අවුරුදු හතළිහකට විතර ඇති වෙන්න මානව , සමාජ ශාස්ත්‍ර graduate ලා සෙට් එකක් හදන්න තියපු පළමු පියවර. 

ඒ කට්ටිය දැන් පැන්සොන් හින්ද තව කට්ටියක් හදමුද? අලුත් මාස්ටර් පරණ මාස්ටර් දෙන්නම ගොඩ.

දැන් ටීකාව. (අතුරු කතාව)  මේ සිද්දි මාලාවටම මගේ කිසිම official  සම්බන්ධයක් නෑ. මමත් අහිංසක නවක ශිෂ්‍යාවක් නවක වදයෙන් බේරා ගන්න උදාර මෙහෙයුමක යෙදීලා ලෙක්චර් එකටත් සෙට් වෙලා.  ඊට ටික වෙලාවකට කලින් ජ්‍යෙෂ්ඨ ශිෂ්‍යයන්ගේ මෙහෙයවීම මත තිබුන වාර්ෂික Campus-Thurstan gal hatana ටත් සහභාගී වෙලා කවුරුත් හිටියේ. Pissu Double. හරිනම් ඒ වෙලාවේ මම ඉන්න තිබුනේ හැතැප්ම 75ක් විතර දුර මගේ ලෙක්චර් එකට සහභාගී වෙමින්.

ey kaale ehemayi. danuth ehemada?